أمل فلا

دايما ميزانية التربية الفنية مشكلة المشاكل اللى بيواجهها استاذ مغلوب مع ادارة المدرسة .....مع ان ادارة المدرسة ميزانيتها كبيرة ......!!!

ويدخل استاذ مغلوب على استاذ غضبو ليحاول أن يخصص له مبلغ اكبر من ميزانية التربية الفنية الحالية علشان يشترى خامات اكتر تساعده فى انتاج فنى متنوع بالمدرسة .....وكانت نتيجة هذا ما سوف تشاهدونه ....!

_ السلام عليكم استاذ غضبو

_ وعليكم السلام ......أفندم ......وايه الورقة اللى فى ايدك ...

- السلام عليكم يا أبلة شكوى

- وعليكم السلام ورحمة الله وبركاته ...أهلا اهلا أبلة مؤمنة ...منورة اوضة التربية الفنية

- منورة بأصحابها يا حبيبتى ....انتى ماعندكيش حصص دلوقتى ؟

- لأ...أنا عندى الحصص اللى جاية

- أمال أبلة حقنة فين ...؟

- غايبة النهاردة ... وبلغت المدرسة ان ابنها تعبان شوية

- لا حول ولا قوة الا بالله ...عموما أنا هبقى ...

- السلام عليكم يا أستاذ مغلوب ... معلش حضرتك ممكن تمضى لى على الحصص دى لأستاذ مكبر علشان غايب النهاردة

- ايه...غايب ليه...؟ ده عنده أربع حصص النهاردة وأنا عندى أربع حصص زيه ...لأ ده حرام هأشتغل اليوم كله ...؟

- يا استاذ مغلوب ما أنت عارف كل مادة بتشيل نفسها فى الغياب ...ابقى غيب انت كمان فى يوم زحمة حصص عندك ودبسه فيهم

- يا أستاذ محلسة انت عارف ان الأستاذ مكبر بيكبر دماغه فى حاجات كتير وعلى طول غايب يعنى أنا شايل ...

تدخل أبلة شكوى حجرة التربية الفنية وهى فى حالة غضب شديد متوجهة الى أبلة حقنة زميلتها وهى تحاول أن تمسك أعصابها وتكلمها بكل هدوء

- يا أستاذة حقنة احنا مش كنا اتفقنا على الجدول قبل ما يحطه أستاذ ملتزم ؟.....ايه بقه اللى حصل وغير الجدول بالشكل المهبب ده؟.... ده أنا كده كل الحصص الأخيرة عندى....ده غير الاحتياطى ...وغير النشاط الفنى اللى أنا شايلاه لوحدى ...والمعرض ...

اليوم الاول فى العام الدراسى الجديد الساعة 7:30 صباحا ... كل شىء متلمع ..المدرسة زى الفل ...... طبعا نتيجة لوجود عجز عمال بالمدارس قام المعلمين مشكورين بتنظيف المدرسة ليس اجبارا من مدير المدرسة وانما لحبهم الشديد للمدرسة وكأنهم يشعرون أنهم فى بيوتهم – والطلبة كمان زى القشطة – أول يوم بس – والآن أستاذ غضبو واقف على باب المدرسة ايده ورا ظهره بوجهه ( البشوش ) يستقبل به الطلبة والمدرسين من أجل تحيتهم بابتسامة ظريفة
ويقف الى جانبه أستاذ مسرور السياف ( وكيل ) معه دفتر الحضور ...